Reshjet e shiut të së mërkurës kanë shkaktuar përmbytje në Malësi të Madhe, ndërsa raportohet se “Përroi i Thatë” ka dalë nga shtrati.
Si pasojë, situata është kthyer në shqetësues për banorët e Malësisë së Madhe, të cilët janë zgjuar nën “pushtetin” e ujit.
Situata po ashtu shfaqet problematike edhe në Koplik e Bajzë, ku banesat dhe rrugët janë përmbytur.
Sipas sinoptikanëve, kjo situatë me reshje shiu do të vazhdojë gjatë gjithë kësaj jave, ndërsa në rrezik mund të jenë edhe zona të tjera në veri të vendit, por jo vetëm.
