Finlandezët janë njerëzit më të lumtur në botë. Për 5 vite me radhë Finlanda është renditur e para si vendi më i lumtur në botë, sipas vlerësimit nga Raportit të Lumturisë Botërore.
Raporti i vitit 2022 u kërkoi njerëzve në 156 vende të “vlerësojnë jetën e tyre tani në një shkallë nga 0 deri në 10”. Gjithashtu janë analizuar faktorët kontribuues në mbështetjen sociale, jetëgjatësinë, bujarinë dhe mungesën e korrupsionit.
Por nga ana tjetër filozofi Frank Martela ka nxjerrë tre nga arsyet kryesore, që sipas tij, i bën finlandezët të jetësojnë një jetë më të lumtur. Madje ai këshillon që secili prej nesh t’i ndjek këto këshilla dhe qasja jonë ndaj vetes dhe të tjerëve do të ndryshojë.
1. Ata nuk e krahasojnë veten me njerëzit e tyre të afërt
Ekziston një shprehje e vjetër e një shkrimtari finlandez që thotë: “Mos e krahaso lumturinë tënde me atë të të tjerëve” .
Finlandezët besojnë vërtet në këtë, veçanërisht kur bëhet fjalë për gjërat materiale dhe pasurinë. “Një herë takova një nga njerëzit më të pasur në Finlandë. Ai po e shtynte fëmijën e tij në një karrocë në drejtim të stacionit të tramvajit. “Ai mund të kishte blerë një makinë ose të punësonte një shofer, por ai zgjodhi transportin urban”, tha Martela.
Këshilla nga një ekspert i lumturisë: Përqendrohuni më shumë në atë që ju bën të lumtur dhe më pak në shfaqjen e suksesshme. Hapi i parë drejt lumturisë së vërtetë është të vendosni standardet tuaja, në vend që të krahasoni veten me njerëzit e tjerë.
2. Mos e ndani veten nga natyra
Sipas sondazheve të vitit 2021, 87 për qind e finlandezëve besojnë se natyra është e rëndësishme për ta sepse u jep paqe, energji dhe relaksim. Në Finlandë, punonjësit kanë të drejtë për katër javë pushime verore. Shumë prej tyre e përdorin këtë kohë për të arritur në fshat dhe për të shijuar natyrën.
Sa më pak ambiente, qoftë edhe mungesa e energjisë elektrike apo e ujit në shtëpi, aq më mirë për ta. Shumë prej qyteteve të Finlandës janë gjithashtu të ndërtuara në atë mënyrë që të mos shqetësojnë natyrën, që do të thotë se shumë njerëz kanë qasje në natyrë sapo dalin nga dera e tyre.
3. Mos e tradhtoni besimin e komunitetit tuaj
Sipas hulumtimeve, sa më i madh të jetë besimi në vendin tuaj, aq më të lumtur janë qytetarët. Eksperimenti i “portofolit të humbur” në vitin 2022 testoi besimin dhe ndershmërinë e qytetarëve duke humbur një portofol në 16 qytete të botës. Në Helsinki, 11 nga 12 kuletat iu kthyen pronarëve të tyre.
