Një asteroid i quajtur Bennu ka shanse të godasë tokën. NASA tregon se ai ka fuqinë e 22 bombave atomike dhe kalon pranë planetit Tokë çdo gjashtë vjet. Gjithsesi, theksohet ka një shans 1 në 1.750 për të goditur tokën.
Siç raporton Daily Star, mostrat janë marrë nga sipërfaqja e tij dhe disa shkencëtarë spekulojnë se ai mund të bjerë në Tokë, konkretisht në shkretëtirën e Jutas më 24 shtator 2182, domethënë në saktësisht 159 vjet.
Shkëmbi hapësinor vlerësohet të jetë rreth një e treta e një milje i gjerë, ndërsa asteroidi që shkaktoi zhdukjen e dinozaurëve ishte rreth gjashtë milje i gjerë, rreth 20 herë gjerësia e Bennu.
Bennu është një asteroid me grumbuj rrënojash, më i gjerë se sa lartësia e ndërtesës Empire State. Ai u zbulua në vitin 1999 dhe teleskopët kanë qenë duke e kontrolluar që atëherë; NASA e konsideron Bennu dhe një asteroid tjetër të quajtur 1950 DA si dy asteroidet më të rrezikshëm të njohur në Sistemin Diellor.
Në vitin 2016, NASA nisi misionin OSIRIS-REx për të mbledhur një mostër të shkëmbinjve të Bennu dhe për të mësuar më shumë rreth madhësisë, formës dhe përbërjes së asteroidit. Anija kozmike mbërriti në vitin 2018 dhe kaloi rreth dy vjet duke e studiuar para se të merrte një mostër prej tij.
Matjet e tij u kanë dhënë studiuesve një aftësi të paparë për të kuptuar trajektoren e asteroidit. Për të parashikuar rrugën e tij të ardhshme, ekipi mori parasysh të gjitha llojet e ndikimeve të vogla, duke përfshirë efektin e goditjes së dritës së Diellit në Bennu, tërheqjen e vogël gravitacionale të më shumë se 300 asteroideve të tjerë dhe tërheqjen e shkaktuar nga pluhuri ndërplanetar.
