Në Primen e sotëm Drini Zeqo ka ardhur në studion e BBV3 dhe ka treguar pse është larguar nga shtëpia në mënyrë të papritur.
“Gara filloi që kur unë regjistrova klipin në dhjetor. Kur njeriu nis një sfid të re mendon se për çfarë po i hyn kësaj studio. Sigurisht mendova që BBV ka një shtrirje të pamatë dhe do të njoh njerëz të tjerë. Por mendova që duhet të kesh edhe një kauz dhe në rastin tim kauza ishte motra.
Sepse unë kam shumë vite që jetoj me një motër. Ajo është dashuria ime më e madhe në jetë. Por ndonjëherë dashurinë duhet ta japësh në çdo dimension, duke e ngritur atë mbi veten. Ajo vuan nga një sëmundje e shëndetit mendor që po lufton prej vitesh me të. Dhe sapo mora vesh që ajo kishte një shqetësim më shumë, vendosa të lë lojën”, tha ai.
