Sot është Dita e 1 Prillit- Dita e Gënjeshtrave- një zakon që i ka “rrënjët” në të gjithë Europën. Thuhet se kushdo që arrin të tallet apo gënjejë dikë tjetër, do të ketë fat.
Versioni i parë thotë se gënjeshtrat e 1 prillit janë një zakon me origjinë nga Keltët. Ky popull i Evropës veriperëndimore ishte i famshëm për aftësitë që kishin në peshkim. Sezoni i peshkimit niste më 1 Prill, por duke qenë se në atë kohë peshku ishte i vështirë për t’u kapur, peshkatarët gënjenin. Ndaj me kalimin e viteve e kthyen në një zakon.
Versioni i dytë thotë se ky zakon i ka rrënjët në Francë në shekullin e 16-të. Në veçanti, francezët e festonin Vitin e Ri më 1 Prill deri në vitin 1564, kur edhe kjo ndryshoi dhe me vendim të mbretit Charles IX, dita e parë e vitit filloi të konsiderohej 1 janari. Si për çdo vendim, ka pasur reagime kundër, ndaj edhe nuk ishin të paktë ata që vazhdonin edhe e festonin Vitin e Ri në 1 Prill. Të tjerët duke dashur t’i ngacmojnë, u dërgonin dhurata.
Ky ngacmim u kthye në një zakon me kalimin e kohës. Ndërsa një teori tjetër tregon për festat e lashta si Hilaria, e kremtuar në Romë në fund të marsit ku njerëzit maskoheshin dhe tallnin bashkëqytetarët dhe gjyqtarët.
