Mbrëmjen e shkuar u zhvillua premiera e filmit “Në Kuadër të Dashurisë”, ku të gjithë aktorët kaluan në tapetin e kuq për të shkuar më pas në ambientet e “Pallatit të Kongreseve” ku u dha filmi. Sara Hoxha ishte ajo që kaloi e para në tapet, sigurisht kishte shumë fansa që e mbështesnin dhe ajo shkëlqente me fustanin e saj.
Por, diçka vumë re, Ledri nuk ishte prezent, ai nuk e shoqëroi Sarën mbrëmë!
Këtu lindin dyshimet se diçka mund të ketë ndodhur mes çiftit, sepse të gjithë të tjerët ishin të shoqëruar nga partnerët e tyre, edhe pse nuk ishin pjesë e kastit, apo nuk ishin fare aktorë.
Ndërkohë, Eno Popi e pyeti Sarën nëse do të vinte Ledri të shohë filmin ajo u përgjigj shkurt “të shohim”. E pra nuk dukej aq entuziaste, edhe pse në film kishte shkëlqyer si aktore.
Madje për syrin tonë si shikues dukej më e lumtur me lidhjen që kishte në film, edhe pse mbetet aty sepse Roerd Toçe ( i dashuri në film) është gjithashtu i martuar.
Sakaq, kujtojmë se edhe në një intervistë të fundit që ka dhënë Sara për gazetaren Erjona Rusi, të gjithë fansat e saj kanë komentuar se ajo dukej shumë e trishtuar dhe e pasigurt për marrëdhënien me Ledrin.
Gjithsesi, duhet të themi që Sara ishte bërë shumë e bukur dhe në filmi dukej si një aktore profesioniste.
