Në Shqipëri anulimi i dasmës thonë që është një shenjë fatkeqësie.
Por në Irak një ceremoni dasme është kthyer në një tragjedi me 100 të vdekur.
Mediat në Irak bëjnë me dije se zjarri është shkaktuar nga fishekzjarrët e përdorur për të festuar. Kanali televiziv kurd “Rudaw” transmetoi pamje që tregonin fishekzjarrët që shpërthenin nga dyshemeja e sallës së dasmës, ndërsa kur prekën tavanin, shkaktuan flakë në të gjithë sallën, ndërsa nusja dhe dhëndri po kërcenin.
Mësohet se pas disa orëve në spital ka humbur jetën edhe çifti, teksa ende nuk është bërë identifikimi i plotë i atyre që kanë humbur jetën dhe që mund të kenë shpëtuar. Pas hetimeve, mësohet se panelet e parafabrikuara në ambientin ku mbahej dasma ishin një ndihmë për flakët, pasi shkelnin standardet e sigurisë.
