Belgjika ka një nga qytetet më interesante evropiane: Charleroi! Ky artikull i kushtohet një qyteti që dikur ishte shpallur “më i shëmtuari në botë” dhe falë këtij titulli arriti të tërheqë shumë vizitorë.
Qyteti, i cili është rreth 50 kilometra larg Brukselit, ndodhet në brigjet e lumit Sambre, në një zonë që identifikohej me industrinë dhe qymyrin, pasi ndodhet në qendër të të ashtuquajturit Pays noir (Vendi i Zi), rajoni qymyrmbajtës i Belgjikës.
Megjithëse shumica e minierave dhe fabrikave janë mbyllur për dekada, peizazhi dominohet nga grumbujt e pluhurit të qymyrit dhe ndërtesat e vjetra industriale të braktisura. Ky peisazh gri plotësohet nga moti zakonisht me re, ndërsa Janari dhe Dhjetori kanë më pak se 50 orë diell në muaj.
Por siç e dimë çdo reklamë është reklamë e mirë. Kështu, pas një sërë titujsh negativë, qyteti filloi të priste vizitorë. Madje artisti i njohur Nicolas Buissart ofron një nga turnetë më të veçantë në Evropë: safari i tij urban fokusohet në “shëmtinë” e qytetit. Vizitorët kalojnë komplekse industriale të braktisura si dhe grumbuj skorjesh. “Të rinjtë nuk e kanë jetuar epokën e industrisë dhe e imagjinojnë atë në një mënyrë romantike,” shpjegon ai në një intervistë për Deutsche Welle.
Në këtë qytet, në vitin 1956 ndodhi një aksident industrial gjigant, i cili mori jetën e 262 njerëzve. Sot, zona e ish-minierës së qymyrit është shpallur një sit i Trashëgimisë Botërore nga UNESCO dhe për këtë histori tragjike ekzistojnë ndërtesa të ruajtura, instalime mekanike të minierës së qymyrit dhe dy muzetë kushtuar industrisë. Një tjetër pikë kryesore e kësaj “xhungle urbane” janë stacionet hekurudhore, ndërtimi i të cilave përfundoi rreth 30 vjet më parë, por nuk u vu kurrë në funksion.
Bashkia në Charleroi:
Charleroi është gjithashtu një nga vendlindjet e skenës së famshme komike belge. Nëse rruga juaj ju sjell në këtë anë të Belgjikës, ia vlen të vizitoni edhe Muzeun e famshëm Fotografik të qytetit i cili mbulon të gjitha periudhat e historisë së fotografisë me ekspozita të përhershme.
“Charleroi ishte dikur një nga vendet më të pasura në Evropë,” thotë Buissart , i cili është i bindur se qyteti i tij do të lulëzojë përsëri
