Klea Huta, orët e vona të mbrëmjes të së shtunës ka ndarë nëpër rrjete sociale një problem shëndetësor me të cilin është përballur përgjatë këtyre ditëve.
“Gjithçka nisi nga një atlete që më vrau këmbën”-shprehet Klea, duke rrëfyer më tej se pas disa ditësh që këmba e saj nisi të infektohej, ënjtej dhe në momentin që ajo nuk kishte parë një përmirësim, vendosi të merrte analizat e gjakut dhe të bënte kulturën e këmbës.
Ndërsa priste për një përgjigje, mjekët i bënë me dije se nga plaga e marrë rezultoi të kishte “streptococus pyogen” i cili është një bakter agresiv që jep infeksione të shprehura.
Ndër të tjera ajo flet se si e kalon ditën me problemin që ka dhe tregon se çdo ditë në orën 6:20 shkon në spital për të marrë antibiotikun venoz.
Në fund teksa mundohet “të ngushëllojë” veten, Klea shprehet se nuk është asgjë serioze por jep një mesazh për të gjithë: Nuk duhet t’i neglizhojmë sinjalet e trupit, sepse ai na flet gjithmonë në gjuhën e tij.
