Këngëtarja kanadeze me famë botërore, Celine Dion, ndau problemin e saj thellësisht personal se vuan me sindromën e njeriut të ngurtë në një intervistë me “Sunrise”.
Mes trishtimit këngëtarja 56-vjeçare u shpreh se djemtë e saj Nelson, Eddie dhe Rene-Charles ishin të shqetësuar se mos ajo vdiste.
Edhe pse u diagnostikua gati dy vjet më parë, beteja e Dion me këtë çrregullim të rrallë neurologjik filloi shumë më herët. Në një intervistë paraprake, ylli kanadez foli me gazetaren e “Sunrise” Miley Hogan për ndikimin që sindroma ka pasur në jetën dhe familjen e saj.
“Nuk e kam mamin, nuk e kam as babin”, tha Dion, me zërin që i dridhej nga emocioni. “Fëmijët e mi janë të frikësuar sepse kanë humbur babanë e tyre dhe pyesinin veten se mos ndodhte e njejta gjë me mua. Nuk dua të vdes, nuk dua të gënjej”, u shpreh ajo.
Këngëtarja, Celine Dion, tregoi se problemet e saj shëndetësore nisën me simptoma misterioze që e lanë atë dhe fëmijët e saj në një gjendje shqetësimi të vazhdueshëm.
“Isha e frikësuar” pranoi ajo. “Mund të jetë kërcënuese për jetën. Çfarë do të ndodhë”.
Dion u diagnostikua zyrtarisht me sindromën e njeriut të ngurtë në dhjetor 2022, një zbulim që padyshim i ndryshoi jetën dhe karrierën e saj. Kjo është një çrregullim i rrallë neurologjik që shkakton ngurtësi dhe spazma progresive të muskujve.
