Hulumtimet zbulojnë efektin shkatërrues që ka fiksimi i burrave dhe djemve për të përdorur makinat kudo që shkojnë. Sa i përket grave, ata janë më të gatshme të adoptojnë mënyra alternative të transportit. Marrëdhënia e burrave me makinën është e njohur por ajo që nuk duhet janë pasojat në mjedis.
Një studim i ri i kryer nga Agjencia Suedeze e Inovacionit ka hedhur dritë mbi pasojat e kësaj varësie të meshkujve, duke vënë në pah ndër të tjera përshtatshmërinë që dallon gjininë femërore, e cila në praktikë është dukshëm më e hapur për të adoptuar forma të reja transporti, më miqësore me mjedisin.
Studimi zbuloi se ndërsa gratë dhe burrat bëjnë pothuajse të njëjtin numër udhëtimesh në ditë, burrat udhëtojnë në distanca më të gjata dhe priren të preferojnë makinat e tyre.
Gratë kanë më shumë gjasa të zgjedhin forma alternative të transportit në vend të makinës së tyre, edhe nëse ajo është e disponueshme. Nëse burrat do të kishin të njëjtat zakone si gratë, përfundoi studimi, emetimet në Suedi nga transporti i pasagjerëve do të reduktoheshin me pothuajse 20%.
“Burrat drejtojnë makina në një masë më të madhe, ndërsa gratë përdorin transportin publik ose biçikletën ose ecin”.
