Aktorja e njohur Angelina Jolie ndodhet këtë në fundjavë në Festivalin e Filmit në Venecia, ku edhe po promovon filmin e saj të fundit “Maria”. Por nuk ndodhet vetëm Jolie atje, por edhe ish-bashkëshorti i saj Brad Pitt.
Fakti se ata ndodhen në të njëjtin vend bëri bujë në mediat dhe divorci i tyre u rikthye në qendër të vëmendjes. Por ajo që ndezi më së shumti zërat dhe spekulimet rreth divorcit të tyre është fjalimi i aktores.
“Ka shumë gjëra që nuk do të them në këtë sallë që ju ndoshta i dini dhe supozoni”, tha aktorja, referuar kështu aludimeve të shumta mbi ndarjen e saj me Brad Pitt dhe dyshimet ndaj tij se ai e ka dhunuar.Më pas ajo foli për personazhin që do luajë, Maria Callas duke thënë se u lidh me “anën e butë të karakterit të saj”.
“E dua dobësinë e saj më shumë se çdo gjë”, tha Jolie.
Të dy, Pitt dhe Jolie po marrin pjesë në Festivalin e 81-të Ndërkombëtar të Filmit në Venecia këtë vit. Jolie për filmin e saj biografik “Maria” dhe Pitt për filmin e tij të ri “Ëolfs”. Në fillim të këtij muaji, në një intervistë për Vanity Fair, drejtori artistik i Festivalit të Filmit në Venecia, Alberto Barbera shpjegoi se të dy do të përpiqen të shmangin njëri-tjetrin gjatë gjatë shfaqjeve dhe në tapetin e kuq.
Pitt dhe Jolie i dhanë fund martesës së tyre në vitin 2016, por procedurat e divorcit vijojnë prej rreth 8 vitesh. Aludohet se Pitt i ka gjuajtur në fytyrë njërit prej fëmijëve dhe e ka kapur Jolie nga flokët, megjithatë s’ka asnjë akuzë penale të ngritur ndaj tij. Ishte pikërisht ky incident që dyshohet si arsyeja për ndarjen.
Së fundmi, vajza e çiftit, Shiloh Jolie-Pitt, sapo mbushi 18-vjeçe mohoi mbiemrin e të atit dhe tani quhet Shiloh Jolie.
