Dietologia Blerina Bombaj është shprehur se fëmijët në zonat rurale ushqehen keq.
Komentet Bombaj i bëri në emisionin “Good Morning Albanians” në Euronews, ku tha se kjo ndodh për shkak të pamundësive ekonomike dhe mosinformimit të duhur.
Ajo tha gjithashtu se në përgjithësi statusi ushqimor është i lidhur shumë me nivelin socio-ekonomik të popullatës.
“Besoj që bëhet fjalë për zona të thella të Shqipërisë, për zona rurale më shumë dhe jo zona urbane. Mendoj se bëhet fjalë për fshatra dhe zona që kanë edhe varfëri ekonomike dhe varfëri sociale ose socio-ekonomike. Sepse në përgjithësi statusi ushqimor është i lidhur shumë me nivelin socio-ekonomik të popullatës.
Po të udhëtonim në Shqipëri, me sy të lirë do të kuptonim se fëmijët e zonave të thella janë fëmijë që nuk janë shumë të zhvilluar, nuk kanë shtatlartësinë e përshtatshme për moshën dhe fëmijë të paushqyer ose nënushqyer. BOLA88
Për mua është e pandarë varfëria ekonomike dhe ajo intelektuale. Mjafton të bësh një xhiro jashtë shkollës këtu 9 km larg kryeqytetit, të shikosh paketimet e hedhura në tokë për të parë sesi ushqehen fëmijët në këto zona”, tha Bombaj.
