Bedrie Loka, 41-vjeçarja që i dha fund jetës duke pirë fotoksinë, ishte nënë e katër fëmijëve. Vajza dhe djali i madh janë marrë në pyetje për ngjarjen e rëndë. Ata thonë se babai i tyre, i arrestuar tanimë, ushtronte vazhdimisht dhunë ndaj 41-vjeçares dhe e ofendonte me fjalë të rënda.
Djali i Bedries thotë se babai e dhunonte fizikisht dhe psikologjikisht mamanë e tij.
“Babai në mënyrë sistematike ka dhunuar nënën fizikisht dhe psikologjikisht. Babai e ofendonte nënën me fjalët më të rënda të mundshme. Sipas tij ofendimet e babait ishin shumë të rënda për nënën”.
Një deklaratë e tillë ishte dhënë edhe nga vajza e çiftit e cila thotë se babai e shantazhonte nënën.
“Babai dhunonte dhe shantazhonte vazhdimisht nënën”.
