Këngëtarja e kthyer në stiliste punon shumë për të mbajtur veten në formë. Me presionet e jetës publike dhe vetëkritikën e saj, Victoria Beckham me siguri do të jetë “shumë e disiplinuar” në lidhje me dietën e saj për të qëndruar në formë. Dizajnerja e modës, e cila në prill mbushi 50 vjeçe, thotë se duhet të “punojë shumë” për të ruajtur pamjen e saj për shkak të presionit të jashtëm dhe karakterit të saj.
“Jam shumë e disiplinuar me mënyrën se si ha, mënyrën se si stërvitem dhe mënyrën se si punoj.Kjo jam unë”, tha ajo në një intervistë për Grazia të martën. Diku tjetër në profil, Spice Girl tha se nuk është “e mërzitur” nga komentet për peshën e saj si më parë – dhe rrëfeu se i pëlqen të pijë një sasi të mjaftueshme vere. “Më pëlqen të pi një pije dhe nuk jam nga ato që thotë ‘Ah, ka shumë kalori në një gotë verë’, tha ajo.
Cili është sekreti shëndetësor i Victoria Beckham?
Në vitin 2019, Victoria zbuloi për “Daily Telegraph” se konsumon katër avokado në ditë në përpjekje për të mbajtur lëkurën e saj plot shkëlqim.
Bashkëshorti i saj, David Beckham, në një paraqitje në ‘Ruthie’s Table 4’ tha se këngëtarja e Spice Girls ka “ngrënë të njëjtën gjë për 25 vitet e fundit”. “Që kur e takova, ajo ha vetëm peshk të pjekur në skarë dhe perime në avull. Ajo shumë rrallë do të devijojë nga kjo”, tha ylli i futbollit në pension, 49 vjeç, në episodin e dhjetorit 2023.
“E vetmja herë që ajo konsumoi diçka nga pjata ime, ishte në fakt kur ajo ishte shtatzënë me Harper dhe ishte gjëja më e mahnitshme. Ishte një nga mbrëmjet e mia të preferuara”. Kur u pyet se çfarë ishte, Davidi nuk i kujtohej, por tha: “Ajo nuk e ka ngrënë që atëherë.”
