Dita e djeshme për çiftin Heidi dhe Romeo ka qenë e tensionuar. Dyshja të cilët duhet të qëndronin në suitë si surprizë nga “Vëllai i Madh”, në fakt vetëm kanë debatuar me njëri-tjetrin dhe shkak është bërë edhe një dron i nisur me një mesazh për Heidin që “të hapte sytë” ndaj Romeos.
Mirëpo, në një diskutim të bërë në suitë, bashkë me Rozën e cila kërkon të japë mendimin e saj për situatën mes çiftit, përmendej fakti që Heidi u thirr nga “Vëllai i Madh” në dhomën e dëshirave për të parë vetëm ajo dronin.
Ka qenë Romeo i cili ka shprehur dyshimet e tij se droni mund të mos jetë dërguar nga fansat por nga vetë produksioni, duke qenë se në raste të tjera kur një dron ka mbërritur në shtëpi, të gjithë banorët janë ftuar jashtë për ta parë mesazhin, ndërsa këtë herë vetëm Heidi u thirr për të parë mesazhin që i kishin dërguar për Romeon.
BISEDA E PLOTË:
Roza: Doni ndonjë mendim, ndonjë gjykim të ftohtë?
Romeo: Jo, ne ishim këtu shtrirë bashkë pse duhet të të thërrisnin ty (Heidi) që ta shikoje atë gjë?
Roza: Po për Heidin ishte, foto, a ishte fotoja jote?
Heidi: Po.
Romeo: Heidi në dhomë të dëshirave kur ne ishim shtrirë këtu?!
Heidi: Po sepse ato me motor, me parashutë, të gjithëve i thërrasin t’i shohin, si ato nuk na fusin kurrë në shtëpi, po të vesh re. E ke vënë re, ato duhet t’i shohim.
Roza: Jo duhet se e ke me vullnet të lirë nëso do të dalësh. Por që nuk na tërheqin.
Heidi: Jam e sigurt që edhe herë të tjera, kur ka qenë njëherë për Julin, e kanë thërritur jashtë. Ato gjithmonë, duhet t’i shohim, parashutat.
Roza: Unë di që të kanë thirrur gocat ty
Heidi: Jo, thirrën këto direkt dhe erdhi pastaj Graciano.
Romeo: Heidi në dhomë të dëshirave
Heidi: Këtë gjithmonë e bëjnë. E mbaj mend, unë jam shumë e sigurt për këtë. Kurrë nuk më ka ndodhur që me një parashutë, të të thonë të hysh brenda.
Romeo: Herë e parë që e dëgjoj këtë muhabetin kështu. Dhe kjo është e vetmja gjë që them…
Heidi: Jo, jo ka ndodhur, ta konfirmoj unë, se e mbaj mend.
“Vëllai i Madh”: Heidi kujdes mikrofonin.
Romeo: Ja e shikon?
