Një grua 54-vjeçare, e cila ishte personi i dytë që iu nënshtrua transplantit të veshkës nga një derr i modifikuar gjenetikisht, dhe që jetoi 47 ditë me këtë organ, ka vdekur.
Lisa Pisano, ishte e sëmurë rëndë, duke vuajtur nga problemet me veshkat dhe zemrën. Ajo mori veshkën e derrit më 12 prill, vetëm tetë ditë pas implantimit të një pompe mekanike të zemrës. Kirurgët u detyruan të hiqnin veshkën më 29 maj, pasi ajo u dëmtua nga rrjedhja e pamjaftueshme e gjakut në lidhje me pompën e zemrës. Pas eksplantimit, Pisano rifilloi dializën e veshkave, por nuk mundi të mbijetonte.
Pisano bëri histori mjekësore si personi i parë me një pompë zemre, e cila iu nënshtrua dhe një transplanti organi. Pacientët me probleme të veshkave zakonisht nuk kanë të drejtë të marrin një pompë të zemrës për shkak të rrezikut të lartë të vdekjes.
Pas vdekjes së saj, mjekët thanë se ajo ka shumë në fushën e lulëzimit të ksentransplantimit, transplantimin e organeve nga një specie në tjetrën.
Pacienti i parë që mori një veshkë nga një derr i modifikuar gjenetikisht ishte Richard Slayman, 62 vjeç, i cili iu nënshtrua procedurës në mars në Boston. Ndonëse gjithçka shkoi mirë në fillim, ai, ashtu si Pisano, vuante nga probleme komplekse mjekësore dhe vdiq brenda dy muajsh.
