1.Mashkulli që ka vetëm interes personal. Ky do vetëm diçka prej teje (ti e di shumë mirë) dhe s’të ofron asgjë tjetër. Të mban me shpresë se një ditë mund të jeni diçka më shumë, por kanë kaluar muaj/vite dhe akoma asgjë!
2.Mashkulli që rikthehet! Ky nuk të shkruan gjithë javën/muajin, por kur rikthehet të bombardon me mesazhe. Ta merr mendjen me të mira dhe boom ti rikthehesh prapë në krahët e tij.
3.Mashkulli “zvarritës”. Ky lloj e zvarrit situatën me ty, nuk të takon shpesh, të shkruan sa për të thënë dhe nuk është i besueshëm. Thjesht po të mban rezervë!
4.Mashkulli që nuk di të komunikojë! Një bisedë me këtë mashkull mund të jetë kështu: “Cpb? Si je? Ku je? Ah mirë”. Komunikimi e mban gjallë një marrëdhënie! Kurrë mos e harroni këtë! Nuk ja vlen të shoqërohesh me një mashkull që nuk di të komunikojë!
5.Mashkulli që të merr frymën! Ka pastaj dhe nga ata që nuk gjejnë dot mesin e artë. Ky lloj mashkulli nuk të lë hapësirë, të shkruan çdo sekondë sikur nuk ka asgjë tjetër për të bërë në jetën e tij dhe tregon shumë mosbesim ndaj teje.
6.Mashkulli manipulues. Ky lloj mashkulli e kthen çdo situatë nga vetja. Shembull: Ka bërë një gabim dhe ti po ja vë në dukje. Në vend të pranojë fajin, ai e kalon situatën tek ty dhe të fajëson ty që i merr gjërat keq sepse ai është i “pafajshëm”.
7.Mashkulli që anulon takimin! Pra ai ka diçka më të rëndësishme për të bërë sesa të takojë ty?! Ai anulon takimin, ti anulo atë! Jashtë nga jeta jote!
8.Mashkulli që nuk di çfarë do nga jeta! Ky lloj mashkulli është akoma në “adoleshencë”. Për moshën që ka duhet të ishte i pjekur mjaftueshëm, por përkundrazi ai është në kërkim të aventurave. Mos u bëj aventura e tij e rradhës!
9.Mashkulli që nuk të ka blerë kurrë diçka! Kur një mashkull e dashuron një femër, mundohet t’ja fitojë zemrën me dhurata. Nuk po them të harxhojë shuma marramendëse për ty, por nëse nuk të ka blerë qoftë diçka të vogël që ti ta kujtosh gjithmonë, ndoshta nuk të vlerëson sa duhet!
10.Mashkulli që ka ca si shumë shoqe. Në ditët e sotme është normale shoqëria “mashkull – femër”, por sipas studimeve, njëra prej palëve gjithmonë krijon afeksion ndaj palës tjetër. Prandaj një mashkull që mban shoqe, nuk është kurrë dhe aq i besueshëm. Këtu bëjnë përjashtim kolege pune sepse ju lidh diçka apo shoqe nga fëmijëria. Por shoqe nga hiçi? Më fal, çfarë muhabeti bëjnë bashkë? Sa e ke blerë këtë çantën apo rimelin?!
11.Mashkulli që nuk ta jep kurrë telefonin e tij. Nuk besoj që ka nevojë për sqarim. Çfarë dreqin fsheh që nuk mund ta japësh telefonin?!
12.Mashkulli që nuk të bën kurrë komplimenta! Nëse ai nuk të bën të ndihesh mirë, atëherë për çfarë po vazhdon me të?!
