Epidemiologu Ilir Alimehmeti, në një intervistë televizive, ka folur për infektimin nga Covid-19 dhe gripi gjatë periudhës dimërore, është shprehur se simptomat janë më të lehta se viti i kaluar. Alimehmeti theksoi se sipas shifrave të raportuara në SHBA, shohim përgjysmim të shtrimit në spital, që do të thotë se kemi një situatë më të ulët.
Ndër të tjera ai shtoi se ka pasur ndryshime të simptomave nga Covit-19 tek njerëzit, kjo për shkak edhe të variantit të infeksionit, por edhe të imunitetit.
Alimehemti tha se simptomat mbeten pothuajse të njëjta si për infeksionin nga gripi dhe Covid, si pak temperaturë, lodhje, pak rrufë, rrugë aspiratore të bllokuara, kollë
Epidemiologu Ilir Alimehmeti: Ne jemi zyrtarisht në dimër, akoma nuk ka hyrë i ftohti i madh por është sezoni i infeksioneve aspiratore, ku përshihet gripi, SarsCov2, etj. Në vetvete ka një problematikë më të paktë. Nëse shohim SHBA shohim përgjysmim të shtrimit në spital, që do të thotë se kemi një situatë më të ulët.
Edhe grip i sivjetshëm nuk është si vjet. Sivjet është më i butë. Vetë Covid ka një nënvarjant por që nuk është më i rëndë, është i njëjtë siç ka qenë. Omikroni është varjant më i qetë se delta dhe ato më parë, kjo e bën një situatë më të qetë sa i përket Covid19. Infektimi sipas SHBA ka ardhur sipas imunitetit të dobët natyral.
Masat e Spanjës janë mbi reagim, mbetet një problem po jo aq madhor. Çfarë duhet të kishim bërë ne? Ne jemi në vitin e 4 të pandemisë dhe ende nuk kemi testet e shpejta në farmaci, për të kuptuar nëse jemi të infektuar. Një tjetër element janë edhe laboratorët për analizimin e ujërave të zeza, për të kuptuar në zona për infektime. Këto dy gjëra këtu tek ne nuk ekzistojnë.
