Në autostradën e Marmarasë Veriore, në orën 04.36 të mëngjesit të së enjtes, më 28 dhjetor, 10 persona humbën jetën dhe 59 të tjerë u plagosën. Shkak u bë aksidenti zinxhir ku u përfshinë shtatë automjete, tre prej të cilave autobusë pasagjerësh.
Sipas mediave turke, pas përplasjes së parë, disa pasagjerë kanë zbritur nga makinat e tyre për të parë se çfarë ka ndodhur dhe janë goditur nga automjetet që i kanë ardhur me shpejtësi, siç ka shpjeguar guvernatori i Sangario, Yasar Karadeniz.
Ministri i Shëndetësisë Fahrettin Koca deklaroi se nga aksidenti zinxhir janë lënduar 59 persona, 8 prej tyre në gjendje të rëndë, të cilët janë transportuar drejt spitaleve me 30 autoambulanca.
