Spektakli televiziv “BBV Kosova 2”, vazhdon të ketë dinamika të forta dhe shpesh shumë flirte. Banori i shtëpisë, Blerando, për herë të parë e pranon para të gjithëve që ka pëlqim për Albën, e madje shprehet që edhe ajo nuk e shikon vetëm si shok.
“Ka pasur momente që nuk i kam besuar Albës, sepse më thoshte më trego vetëm mua. Unë e di që Alba është një vajza shumë e zgjuar dhe mendova se mos është pjesë e lojës së saj. Kam menduar që sillet mirë thjesht për respekt. Ato katër ditë që nuk i kam folur ka qenë edhe për mua e vështirë. E kam kuptuar që nuk do isha mërzitur shumë nëse do isha vetëm një shok i thjeshtë. Unë kam pëlqim për Albën”, tha Blerando.
Ata janë parë shumë të afërt me njëri-tjetrin këtë javë teksa luanin dhe përqafoheshin bashkë. Alba deri më tani nuk ka shprehur nëse ka pëlqim apo jo për Blerandon, pasi në kohën kur Azemi ishte në shtëpi dhe dëshironte të krijonte një romancë me të, ajo ka thënë që nuk dëshiron të lidhej brenda në shtëpi.
