Venera Lumani dhe Lind Islami janë çift në jetë dhe në punë. Ata pranojnë në “Aldo Morning Show” se është e pashmangshme që problemet e punës të mos merren në shtëpi. Por një avantazh i të punuarit me partnerin, është edhe t’i ‘shpëtosh’ disa situatave sepse ke në krah dikë që kujdeset për ty. Lind Islami kujton një rast të tillë në punën e tyre.
Aldo: A duhet të mbulojnë partnerët gabimet e njëri-tjetrit në punë?
Lind Islami: Absolutisht po.
Aldo: Prit ti, pse po?
Lind Islami: Sepse na ka ndodhur jo më larg se para dy vitesh, për Vitin e Ri unë humba zërin për shembull.
Aldo: Ishalla jo këtë vit se kam prenotuar edhe unë aty ku do jeni ju.
Lind Islami: Më mbuloi Venera, këndoi gjithë mbrëmjen. Venerës i iku zëri te koncerti i tretë.
Venera Lumani: Brenda natës.
Aldo: Ky nuk është gabim.
Lind Islami: Ky është mbulim.
Aldo: Po mbulim, po. Ore ti, se ti e di shumë mirë kuptimin e fjalëve shqip por e dredh kastile. Unë po them gabimet në punë, s’po them, ndodh iku zëri, ajo s’është gabim, ai është hall.
Venera Lumani: Unë mendoj që prandaj edhe ne mbase kemi funksionuar sepse dimë që me mjeshtëri shumë të madhe të mbrojmë gabimet e njëri-tjetrit apo mangësitë e njëri-tjetrit. Jo vetëm ne, por mendoj se të gjithë duhet ta bëjnë. Si i thonë, burrë e grua, mish e thua?
Aldo: Ka lloj-lloj shprehjesh por më mirë mos t’i hapim këto tema them unë se ka goxha.
Venera Lumani: Mendoj se femrat janë më të dashura, më mbuluese ndaj gabimeve të burrit.
