Hurmat arabe janë tepër ushqyese. Ato të pasura me antioksidantë, fibra, vitamina dhe minerale si B6, kalium, magnez, hekur dhe kalcium, ndërsa kanë më shumë kalium se banania.
Dhe më e rëndësishmja, fibrat në hurma ndihmojnë në balancimin e sheqerit dhe kjo së bashku me lëndët e tjera ushqyese i bën hurmat një zëvendësues të shkëlqyer të sheqerit.
Fibrat dhe antioksidantët në hurma janë jashtëzakonisht të dobishme për shëndetin e zemrës. Fibrat mund të ndihmojnë në uljen e kolesterolit LDL dhe kjo mund të zvogëlojë rrezikun e sëmundjeve të zemrës. Kolesteroli LDL është lloji i keq i kolesterolit që kontribuon në grumbullimin e pllakave në arterie.
Nivelet e larta të karotenoideve antioksidantë dhe acidit fenolik në hurma mund të jenë mbrojtëse të zemrës. Të dy këta antioksidantë janë studiuar për efektet e tyre të dobishme në shëndetin e zemrës.
Përveç vitaminave dhe mineraleve të ndryshme, hurma ka edhe shumë antioksidantë. Antioksidantët mbrojnë qelizat tuaja nga radikalet e lira, të cilat janë molekula të paqëndrueshme që dëmtojnë qelizat dhe janë shkaku kryesor i shumë sëmundjeve.
