Ish-konkurrentja e ‘Big Brother VIP’, Efi ka folur në një intervistë televizive për marrëdhënien që ka aktualisht me Luizin dhe Kiarën. Brenda ‘Big Brother’ të tre ata premtuan se do të ruanin miqësinë e tyre edhe jashtë lojës, por duket se gjërat kanë marrë një rrjedhë tjetër.
E ftuar në emisionin ‘Shqipëria Live’, ish-banorja u pyet për raportin me Luizin të cilët tashme nuk ndiqen më as në rrjete sociale. Efi tha se pas përfundimit të lojës brenda shtëpisë, jashtë nuk ka patur asnjë lloj komunikimi dhe raporti me të, ndërsa shprehet se nuk i kanë pëlqyer komentet e tij, prandaj e ka hequr nga Instagrami.
“U lodha shumë nga gjërat që përfliteshin. Pashë disa reagime të pakëndshme nga pala tjetër. Dhe mua kur nuk më respektojnë, nuk i respektoj. Nuk dua të flas më për këtë pjesë se njerëzit do mendojnë se dua që të marr vëmendje, por nuk është e vërtetë. Nuk dua të flas më për Bigun se i kemi konsumuar të gjitha, dua të flas për gjëra të reja”, tha Efi.
Sa i takon raportit me Kiarën, Efi u shpreh se nuk flasin me njëra-tjetrën.
“Me Kiarën nuk kam asnjë marrëdhënie dhe nuk kam asnjë lloj inati. I uroj shumë suksese, më bëhet qejfi për çdo gjë që ajo po arrin”, tha Efi.
