Kur mendoni për yjet e mëdhenj të Titanikut, ka të ngjarë që mendja juaj të shkojë te Leonardo DiCaprio dhe Kate Winslet. Por ç’të themi për djalin e vogël irlandez? E dini, ai kishte një rol të shkurtër por emocional si pasagjer i klasit të tretë në anije dhe asokohe ishte vetëm pesë vjeç.
Dhe me filmin ikonik realizuar 26 vite më parë, aktori i vogël që luajti fëmijën ka treguar se sa para ka fituar prej tij gjatë viteve. Reece Thompson u shfaq në filmin e Hollivudit të vitit 1997 kur ai ishte vetëm pesë vjeç. Natyrisht, nuk ishte saktësisht një fund i lumtur për personazhin e tij që ne e shohim në një moment duke pritur me nënën dhe motrën e tij për të hipur në një varkë shpëtimi. Por më vonë, ata të tre shfaqen të vdekur tragjikisht në kabinën e tyre.
Dhe sigurisht, ju mund të thoni se roli i Thompson nuk ishte saktësisht vendimtar për komplotin e Titanikut, por ai theksoi realitetin e tmerrshëm të pasagjerëve të vërtetë të varfër në bord.
Reece pretendon se kujton vetëm pak nga koha e tijnë xhirimet e filmit, por çdo vit një çek me një shumë të vogël parash e kujton atë në filmin fitues të Oskarit.
Ai ka treguar se asokohe agjenti i tij i talenteve i ofroi nënës së tij dy opsione: ose të luante në një reklamë për një pikë karburanti, ose të merrte një pjesë të vogël në ‘një film të madh’.
