Në ditët e sotme operacionet plastike janë kthyer në trend, por tashmë një ndërhyrje ka ndodhur edhe tek një mace. Ngjarja ka ndodhur në Turqi, ku macja e quajtur ‘Yulaf’, e cila kishte vështirësi në frymëmarrje për shkak të ngushtësisë së hundës, ka kryer një ndërhyrjeje në hundë.
Ataberk Dursun, i cili jeton në Sivas, e çoi te veterineri macen e tij të quajtur Yulaf, e cila nuk mund të merrte frymë lehtë. Pas kontrolleve është marrë vendimi për kryerjen e operacionit në hundë maces 1 vjeç e gjysmë. Gjatë kontrolleve të kryera nga veterineri İbrahim Özmen, macja, struktura e hundës së cilës ishte e ngushtë, iu nënshtrua një operacioni të suksesshëm dhe rikuperoi shëndetin e saj.
“Kjo gjendje ishte për shkak të strukturës së ngushtë të hundës dhe ne i zgjeruam pasazhet e hundës me një operacion. Gjendja e saj është shumë e mirë, ka disa ënjtje dhe presim që të zvogëlohet. Nëse nuk do të ishte bërë ky operacion, ai pas një kohe do të kishte probleme me zemrën dhe qarkullimin, sepse merrte frymë shpesh dhe rëndë. Ndjeshmëria e saj ndaj infeksioneve të mushkërive do të rritej dhe ajo do të lodhej lehtë. Shpresojmë që cilësia e jetës do të jetë më e mirë që tani”, tha një veteriner, shkruajnë mediat turke.
Veterineri u shpreh se aplikime të tilla kryhen në mjekësinë veterinare, ashtu si në mjekësinë humane, duke shtuar se ‘atje kryhet më së shumti për qëllime estetike dhe kozmetike’.
