Majk nuk do të lërë vend për spekulime!
ÇFARË NDODHI?
Një faqe në Instagram kishte publikuar një video të Xhensila Myterezajt ku shfaqej tejet seksi duke kërcyer. Por, i kishte ndryshuar audion, duke i vendosur këngën e Majk “Temelin” në sfond, teksa kishte etiketuar të dy këngëtarët.
Kjo video u publikua më pas në Instastory nga këngëtari, i cili u pendua dhe e fshiu shpejt. Mirëpo, jo aq shpejt sa ndjekësit mos t’i bënin screenshot. Në media filloi të aludohej mbi veprimin e tij. Pse e publikoi dhe pse e fshiu? Një ngacmim? Diçka më shumë? Apo një bashkëpunim?
Të gjitha pyetjeve u është përgjigjur artisti. Teksa ka ripublikuar videon ai shkruan se e postoi videon sepse kënga e tij ishte në sfond.
“Për të gjitha portalet që e kanë keqkuptuar, kjo është video që e kam postuar pasi dëgjova këngën time në sfond.”-shkruan ai.
Majk dhe Xhensila kanë një raport të mirë miqësor, të paktën me aq sa dimë. Ata kanë edhe një bashkëpunim bashkë, “T’i fala” që u publikua një vit më parë dhe u prit shumë mirë nga publiku.
