Një komentues i rrjetit social Tik Tok është qëlluar për vdekje gjatë një transmetimi direkte në Brazil. Tik Tokeri, Nesaku, ishte duke tymosur cigare dhe duke dëgjuar muzikë gjatë kohës që po fliste me ndjekësit e tij, jahstë shtëpisë të dielën e 12 majit.
Gjatë kohës që po xhironte videon ai është qëlluar në mënyrë të tmerrshme nga disa të shtëna.
Familjarët e tij kanë nxituar menjëherë për në shtëpinë e tij në një nga zonat e varfëra të Rio de Janeiro dhe e kanë transportuar për në spital.
Nuk dihet ende përse Tik Tokeri është qëlluar në me breshëri plumbash por disa nga familjarët e tij janë shprehur se një mundësi është se ai mund të kishte lidhje me disa persona të cilët merren me trafik droge dhe krime të organizuara.
Nesaku e përdorte adresën e tij në Tik Tok për të krijuar përmbajtje gazmore dhe për të ndarë jetesën e tij luksoze me më shumë se 100.000 ndjekës.
Daily Mail ka shkruar në lidhje me ngjarjen duke raportuar gjithashtu se personi i cili ka qëlluar influencerin është i paindntifikuar ende por ai është kapur nga kamerat e sigurisë në momentin që kreu atentatin.
