Mund të jetë një shok apo shoqe e vjetër e shkollës, një person me të cilin mbani kontakte që nga fëmijëria pasi jeni rritur në një lagje, një shoqe që nga kopshti apo një shok me të cilin ju lidhin interesa të përbashkëta…
Pak rëndësi ka statusi juaj shoqëror përpara disa sjelljeve toksike që në fakt janë flamuj të kuq në një raport miqësor.
Modelet toksike dallohen nga kritikat e vazhdueshme, kontrolli, manipulimi për çdo situatë dhe ndjenja absolute e fajit.
Lauren Phillips, psikologe në “Williamsburg Therapy Group” thotë se: “Të thuash se një person është toksik do të thotë ta profilizosh atë vetëm në cilësitë e këqija dhe të hedhësh poshtë çdo anë të mirë apo virtyt që ai/ajo ka.”
Çfarë është një miqësi toksike?
Një miqësi bëhet toksike kur “pushtohet” nga pasiguria dhe bëhet një fushë e minuar e problemeve emocionale. Çdo individ ka pasiguritë e tij/saj në jetë, por mënyra si “lundrojmë” në to bën diferencën.
Nëse miku/mikesha juaj sjell një dinamikë jo të shëndetshme në raportin miqësor duke ju bërë të ndiheni versioni më i keq i vetes ose i/e pasigurt, atëherë është koha për të ndryshuar sjellje dhe për të vendosur kufij të rinj në këtë raport shoqëror.
Por, cilat janë këto shenja dalluese? Tetë më kryesoret prej tyre janë këto:
1 Çdo gjë shprehet në nivele absolute
2 Ndiheni sikur ata mbështeten te ju për gjithçka
3 Kufijtë janë të paqartë dhe nuk respektohen
4 Faljet e tyre nuk janë asnjëherë të sinqerta
5 Keni përshtypjen se nevojat e tyre nuk plotësohen kurrë mjaftueshëm
6 Janë thashethemexhinj
7 Kur reagojnë për situata të ndryshme e drejtojë gishtin nga ju me pretendimin se e keni tepruar
#8 Ndjeni se ju është thyer besimi
