Sipas një studimi të fundit, biseksualet dhe lezbike vdesin më shpejt se gratë heteroseksuale.
Instituti i Kujdesit Shëndetësor Pilgrim zbuloi se 37% e grave biseksuale vdesin më të reja se gratë heteroseksuale dhe se 20% e grave lezbike vdesin më shpejt. Shkencëtarët thonë se kjo ka të ngjarë për shkak të stigmave sociale me të cilat përballen këto gra për seksualitetin e tyre.
“Personat LGBTQ i nënshtrohen formave unike të stigmës, paragjykimeve dhe diskriminimit në një mori mënyrash,” tha në një njoftim për shtyp Sarah McKetta, autore kryesore, studiuese në Institutin e Kujdesit Shëndetësor të Harvardit Pilgrim.
“Këto forca sociale toksike rezultojnë në stres kronik dhe mekanizma përballues jo të shëndetshëm, të cilët e bëjnë këtë popullatë të prekshme ndaj vdekshmërisë së parakohshme,”-shpjegoi McKetta.
Gratë biseksuale ndihen të izoluara si nga komuniteti heteroseksual ashtu edhe nga komuniteti LGBTQ, shpjeguan autorët e studimit të botuar në revistën JAMA. Gratë që përballeshin me presione shoqërore dhe stres kronik kishin më shumë gjasa të zhvillonin mekanizma jo të shëndetshëm që mund të çonin në një vdekje të hershme.
