Influencerët dhe personazhet e famshëm po marrin shumë vëmendje në rrjetet sociale dhe platforma të ndryshme online. Vip-at e “Tiktok” kanë milionë shikime dhe një pjesë prej tyre janë kthyer në problematikë, për shkak të sharjeve dhe dhunës.
Së fundmi Kozak Braçi një nga personazhet më të njohur në Tik Tok shpjegoi diçka për këtë platformë dhe si fitohen paratë aty. I ftuar në emisionin “Të Paekspozuarit” Kozaku ka treguar se ka periudha që ai ka fituar 50-60 mijë dollarë nga Tik Toku.
Kohë më parë në rrjet qarkullonte një video ku tregonte se Kozaku ishte marrë peng. Lidhur me rastin Kozaku ka rrëfyer se peng marrja ndodhi pasi ai shante në “TikTok, më tej ai tregon se kohët e fundit është marrë në pyetje nga policia edhe për një video që ai e kishte realizuar para 6 vitesh.
Pjesë nga intervista:
Kozak Braçi: Nuk jam bërë i famshëm në Tik Tok, jam bërë i famshëm duke nisur emision në Instagram. Kam bërë intervista edhe nga estrada.
Po në Tik Tok si erdhe ti?
Kozak Braçi: Ja siç po flas tani me ty, më marrin dhe më bëjnë viral.
Thonë që fitohet para shumë e madhe në Tik Tok. Sa fiton ti?
Kozak Braçi: Tani fitojnë edhe njërëz që nuk njihen fare, bëjnë idiotësira edhe fitojnë, na del edhe nami ne të tjerëve. Ka lek, kanë fituar shumë lek njerëzit. Ka patur muaj që kam marrë edhe 50-60 mijë dollarë nga Tik Toku.
Pashë disa video të tuat, edhe ti shan aty.
Kozak Braçi: Ja unë jam në emision serioz tani. Unë hyj në live edhe më sulmojnë, më shajnë familjen, nënën, fëmijën, edhe unë njeri jam, është gjë normale. Edhe ti po të jesh live në Tik Tok, mund të acarohesh edhe të shash. Tani unë njeri me gjak jam. Unë njihem si Kozaku i intervistave.